Como elixir o noso futuro profesional?

ADECCO, empresa adicada á xestión de recursos humáns, elaborou unha serie de pasos que poden axudarte á hora de decidir o teu futuro profesional.

1.DESCÓBRETE A TI MESMO. Analiza as túas capacidades e habilidades. Pensa naquelas cousas que se che dan ben e aqueloutras que, pola contra, non es tan bo. Coñecer os teus puntos fortes e os débiles pode ser fundamental á hora de descubrir a túa inclinación profesional.

2.INFÓRMATE. Coñece a oferta de ensinanzas, materias, especialidades, posibilidades de estudar no estranxeiro, a posibilidade de realizar prácticas en empresas, duración, custo económico...

3.COÑECE O MERCADO LABORAL. Averigüa cales son os estudos con máis saídas profesionais, que especialidades son as máis demandadas, aquelas que teñen un maior número de titulados, remuneracións, etc.

4.CONXUGA TODOS OS INTERESES. Busca eses estudos que máis che interesen porque se adapten ás túas habilidades e gustos, e nos que sintas que vas poder desenvolver todo o teu potencial, en definitiva, aquelas que che motiven.
5.APÓIATE EN PROFESIONAIS. Se segues sen velo claro ou che quedan dúbidas, busca o asesoramento de profesionais: profesores, orientadores, feiras de orientación profesional...

6. DECIDE TI. En ocasións, factores externos poden presionarte cara unha determinada dirección, pero a decisión final ha de ser túa. Escoita todos os consellos pero toma ti a decisión final.

7.DIFERENTES VOCACIÓNS. Non ten porque existir unha única vocación profesional, en certas ocasións, existe unha orientación cara a certas profesións nas que os teus gustos, habilidades e motivacións poden ser desenvolvidos. Descúbreas.

8.A ESPECIALIZACIÓN DA TÚA VOCACIÓN. Se con todo, os estudos que queres realizar non se atopan entre as demandadas polo mercado laboral, analiza que campo ou área destes está relacionado coas tendencias máis actuais do mercado e especialízate nel.

9.SE NON HAI NA TÚA CIDADE, MÓVETE. Cada zona presenta unha oferta diferente, se non hai no lugar onde vives, na medida do posible, busca noutros sitios.

10.PROXECCIÓN PERSOAL. A decisión que tomes pode marcar o teu futuro persoal, pois o traballo non é só un mero medio de subsistencia, senón tamén un instrumento de desenvolvemento persoal e un vínculo social.

Bolsas Leonardo da Vinci

Se tes rematados os teus estudos de Formación

Profesional, podes participar do programa de

mobilidade europea da Dirección Xeral de

Xuventude e Voluntariado.

Ofrécenche:

-10 semanas de prácticas nunha empresa de Italia, Holanda, Francia ou Irlanda.

-2 semanas (40 horas) de preparación cultural e lingüística do idioma do país de destino.

-Certificación correspondente profesional e académica.

-Aloxamento no país de destino.

-Parte da manutención.

-Viaxe custo real ata un máximo de 200 euros.

-Cobertura de seguro mínima.Os requisitos de participación son:

-Ser un mozo/a galego/a residente en Galicia de entre 18 e 30 anos.

-Ter unha titulación de FP ou universitaria obtida recentemente.

-Non ter gozada dunha bolsa Leonardo da Vinci.

-Coñecer como mínimo o idioma do país de destino: francés, inglés ou italiano.

Anímate a coñecer mundo!

http://xuventude.xunta.es/uploads/docs/programas_ue/bolsas_leonardo2010_12.pdf

Guía oficial de titulaciones de las universidades españolas (2010/2011)

O Ministerio de Educación elabora esta guía para que poidas consultar toda a información sobre as titulacións de grao e de postgrao en España (notas de corte, precio, universidades onde se imparten...).

O enlace é o seguinte:

http://www.guiauniversidades.uji.es/base/

Formación Profesional A DISTANCIA

A Consellería de Educación ven de aprobar as modalidades de Formación Profesional a distancia e semipresencial.
De momento, só se poden cursar nesta modalidade os ciclos de Grao superior en Educación Infantil e Grao medio en Emerxencias Sanitarias, no CIFP Ánxel Casal, de Monte Alto (A Coruña).
Máis información en:
http://www.edu.xunta.es/fp/
http://centros.edu.xunta.es/cifpanxelcasal

Vídeos sobre estudos de Formación Profesional

Nas seguintes ligazóns da páxina web da Consellería de Educación podes atopar vídeos dos ciclos formativos das familias profesionais de:

*Imaxe e son
https://www.edu.xunta.es/fp/videos_IMS.htm

*Sanidade

https://www.edu.xunta.es/fp/videos_SAN.htm

*Servizos socioculturais e á comunidade

https://www.edu.xunta.es/fp/videos_SSC.htm

Dubidas entre Universidade Pública ou Privada?

Segundo un artigo elaborado por aprendemas.com, os aspectos que tes que ter en conta no momento de decidirte son os seguintes:
-En España hai 77 centros universitarios: 50 públicos e 27 privados. Segundo un estudo publicado por El Mundo en 2010 sobre as 50 mellores universidades de España, unicamente unha privada, a Universidade de Navarra, figuraba entre as 10 primeiras. Encabezaba a listaxe a Universidade Complutense de Madrid, seguida da Politécnica de Madrid e da Autónoma de Barcelona.
-Algunhas universidades privadas non teñen nota de corte, ó estaren menos masificadas, e unicamente esixen ter a selectividade aprobada. Porén, nas universidades privadas adoitan facer a súa propia proba de acceso para seleccionar ós candidatos.
-En canto a cuestión económica, depende da carreira e do centro de estudo pero o custe da universidade privada adoita oscilar entre 6.000 e 10.000 euros anuais e o custe da pública, entre 500 e 800 euros anuais. Cumpre considerar que moitas universidades privadas contan con bolsas de estudos para alumnos/as con boas cualificacións.
-Outro aspecto a considerar é que as universidades privadas adoitan ter máis convenios de colaboración con empresas e bolsas de emprego que as públicas e as instalacións das privadas poden ser máis completas.

Vídeos sobre os diferentes estudos de Formación Profesional

O Principado de Asturias elaborou uns vídeos divulgativos sobre as distintas familias profesionais que se poden cursar na FP.

Cumpre que teñas en conta que pode haber diferencias entre os ciclos formativos que se ofertan nunhas Comunidades Autónomas e noutras.

Se tes dúbidas sobre que estudos cursar, este recurso pódeche interesar!

http://www.consejoasturiasfp.com/

Centros Residenciais Docentes

Convócanse prazas nos Centros Residenciais Docentes para realizar estudos de Bacharelato ou Ciclos Formativos, no curso 2010/2011.
A residencia é gratuíta para as familias que non excedan un límite de renda. Para o resto, a residencia é parcialmente gratuíta, oscilando o prezo entre 512 e 1866 euros de cota anual (segundo a renda familiar).
O prazo ordinario para presentar solicitudes é de 1 mes contado a partir do 12 de maio.
As solicitudes han de dirixirse ó director do Centro Residencial Docente do que se trate, na sercretaría do centro.
O Centro Residencial Docente de Vigo atópase situado preto do hospital do Meixoeiro e rodeada dos institutos Manuel Antonio, Carlos Casares, Ricardo Mella e Valentín Paz Andrade.
O seu correo electrónico credo.vigo@edu.xunta.es e o teléfono, 986262500.
Máis información:
http://www.edu.xunta.es/web/node/833
Tamén podes visitar as instalacións virtualmente en:
http://www.youtube.com/watch?v=ORtDY1sq7dM&feature=player_embedded#at=21

Probas libres para a obtención do título da ESO

CONDICIÓNS:
1. Ter cumpridos os 18 anos o día anterior á data de realización da proba.
2. De estar matriculado nas ensinanzas do Nivel III de adultos, deberá renunciar ó dereito a ser avaliado na matrícula oficial.
LUGAR DE CELEBRACIÓN DA PROBA,na provincia de Pontevedra:
-Centro EPA Berbés, rúa Marqués de Valterra, 8-1º, Vigo.
-Centro EPA Río Lérez, avda. de Buenos Aires, s/n, Pontevedra.
MATRÍCULA:
No centro de realización das probas nos prazos seguintes:
-PROBA DE XUÑO: 18-28 de maio, ambos os dous incluídos.
-PROBA DE SETEMBRO: 1-3 de setembro, ambos os dous incluídos.
*Nota: cumpre ter en conta que as persoas matriculadas para a convocatoria do mes de xuño, se non superan a totalidade da proba, consideraranse matriculadas para a convocatoria de setembro, sen que teñan que presentar nova documentación.
DATA DOS EXAMES:
As probas celebraranse en sesións de mañá e tarde os días 10 de XUÑO e 10 de SETEMBRO.
PROBAS:
-Ámbito científico-tecnolóxico: matemáticas, ciencias da natureza e tecnoloxía.
-Ámbito social: ciencias sociais, xeografía e historia e música e educación plástica e visual.
-Ámbito lingüístico: Lingua galega e literatura, lingua castelá e literatura e lingua estranxeira.
MÁIS INFORMACIÓN E SOLICITUDE MATRÍCULA (anexo I):
http://www.xunta.es/dog/Dog2010.nsf/0e5fb445f3681a75c1257251004b10d7/34145bbd29219393c1257715006900ba/$FILE/08200D005P013.PDF

El arte de la memoria

Aínda que non descubre un método revolucionario para aprobar sen estudar, esta páxina web está chea de bos consellos e trucos para aprender máis deprisa e optimizar o tempo. Bótalle unha ollada!

http://www.elartedelamemoria.org/

Colección "Elige tu futuro"

Xa podes consultar na rede os libros máis demandados do departamento de orientación.

Trátase das guías recopilatorias de estudos universitarios e de formación profesional que elabora INFOEMPLEO.

Existen 5 guías segundo o ámbito que abordan, as 4 primeiras recollen estudos de rango universitario e a última, os da categoría de formación profesional:

-LIBRO 1: Ciencias Sociais, Xurídicas e Económicas.

-LIBRO 2: Humanidades e Ensinanzas Artísticas.

-LIBRO 3: Ciencias Experimentais e da Saúde.

-LIBRO 4: Enxeñerías e Arquitecturas.

-LIBRO 5: Formación Profesional, Artes Plásticas e Deseño.

O enlace é o seguinte:

http://www.infoempleo.com/catalogo/elige-tu-futuro.asp

Novas ponderacións para a selectividade 2010

A CIUG ven de publicar os valores de ponderación da fase específica da selectividade, para aqueles graos que estaban pendentes de aprobación pola ANECA. Entre estes graos atópanse: Medicina, Veterinaria, Enxeñarías... Tamén podes coñecer as ponderacións para as carreiras de nova creación no Sistema Universitario de Galicia como, por exemplo, o Grao en Comercio.
http://www.scribd.com/doc/30502172/PONDERACIONS-GRAOS-PTES-APROBACION-ANECA

Unha profesión menos coñecida...

As Ensinanzas Artísticas Superiores de Deseño de Moda conducen á obtención do título de Graduado en Deseño, de rango universitario.
O diseñador de moda é un profesional que configura os produtos de deseño textil e da indumentaria en distintos ámbitos profesionais, atendendo as necesidades e as tendencias do mercado, de creatividade, de innovación e a súa viabilidade técnico-productiva, económica, medioambiental e sociocultural. O deseñador de moda desenvolve a súa actividade en áreas como: deseño na empresa, creación dunha marca propia, creativo freelance, estilismo, investigación de tendencias (organismos, coohunter, etc.), xestión de imaxe corporativa, xestión empresarial de actividades creativas, deseños personalizados ou corporativos ou figurinismo.
En Galicia pódese estudar no Centro de titularidade privada de Artes Plástica e Deseño FELICIDAD DUCE, que se atopa situado en Allariz, na provincia de Ourense.
Para acceder a estes estudos oficiais de grao, han de superarse unhas probas de acceso relativas á creatividade e aptitudes para o deseño do aspirante.
Podes atopar unha maior información en:
http://www.fdmoda.com/ ou no enderezo de correo electrónico: info@fdmoda.com

Informática segue a ser unha profesión con futuro...

...Segundo ven de publicar un estudo elaborado pola Xunta de Galicia. As principais conclusións extraídas do mesmo son:
-O 70% dos enxeñeiros informáticos galegos atopan o seu primeiro emprego nos 3 meses posteriores ó remate da carreira.
-O 94,8% das persoas tituladas en Enxeñaría Informática e o 86,2% en Enxeñaría Técnica en Informática están traballando.
-A práctica totalidade dos profesionais empregados por conta allea, fano en xornada laboral a tempo completo e, preferentemente, nunha empresa do sector privado pertencente ao sector TIC.
-Os homes son maioría nas dúas carreiras cunha porcentaxe do 72,3% en Enxeñaría e Informática e do 67,3% Enxeñaría Técnica Informática.
-Un 40% dos titulados nas Enxeñarías en Informática de Galicia teñen unha percepción boa ou moi boa da súa situación profesional actual e unha de cada tres considera que esta mellorará nun futuro próximo.
Se queres coñecer máis datos relacionados coa noticia, pulsa no seguinte enlace:
http://www.xunta.es/actualidade?content=/Portal-Web/Contidos/Novas/nova_estandar3806.html

Ferramenta on-line de orientación

Educaweb.com conta cunha interesante aplicación web que avalía gustos, intereses e preferencias, identificando o perfil académico e profesional máis indicado para cada un. Está destinado a alumn@s maiores de 16 anos de calquera nivel formativo.
A aplicación permite obter un informe dos resultados acadados e ofrece enlaces para profundizar nos tipos de estudos que máis se che axustan.
Fai click no seguinte enlace:
http://orientacion.educaweb.com/es/presentacion
Só precisas rexistrarte antes de comezar sumerxirte no teu futuro!

Para os que pensan que os libros non serven para nada...

...vai esta curtametraxe preciosa.

Novos graos na Universidade de Vigo

Coincindo coa adaptación ó Espazo Europeo de Educación Superior, a Universidade de Vigo implanta novos títulos, dos que se considera que hai demanda no mercado (estes títulos xa existían noutros países ou noutras universidades pero non en Galicia).

Estes títulos son:
-Grao en Enxeñería da Enerxía (Estudo das tecnoloxías enerxéticas tradicionais así como deseño e implantación de novas tecnoloxías enerxéticas).
-Grao en Ciencias Ambientais (Realización de estudos relacionados cos recursos naturais e busca de estratexias para un desenvolvemento sostible).
-Grao en Consultoría e Xestión da Información (Optimización de procesos empresariais por medio das tecnoloxías da información).
-Grao en Comercio (Investigación de mercado).

Os graos de Enxeñería da Enerxía e de Comercio impartiranse en Vigo e os graos de Ciencias ambientais e de Consultoría e Xestión da Información, en Ourense.

Para máis información consulta o seguinte link:
http://webs.uvigo.es/victce/index.php?option=com_content&task=blogcategory&id=46&Itemid=292

Lugar de celebración probas de acceso a ciclos formativos de grao superior

Os exames terán lugar o día 27 de marzo, sábado, no pavillón número 1 do recinto feiral de Silleda.
A documentación necesaria para presentarse ás probas será:
-DNI.
-Copia da folla de solicitude de inscrición.
O horario das probas será o seguinte:
*Parte común da proba.
-Das 9:00 ás 10:00 horas: presentación e chamamento.
-Das 10:00 ás 13:30 horas: matemáticas, lingua galega e lingua castelá.
*Parte específica da proba.
-16:00 horas: chamamento.
-Das 16:30 ás 18:30 horas: as dúas materias específicas elixidas da opción escollida polo alumno.
MOI IMPORTANTE: non se poderá acceder ó recinto con móbiles nin outros dispositivos electrónicos.

Axudas para aprender idiomas

Actualmente, hai dúas convocatorias vixentes para estudar idiomas no estranxeiro.

*A primeira de elas é a ofertada pola CONSELLERÍA DE EDUCACIÓN E ORDENACIÓN UNIVERSITARIA para estudar INGLÉS, FRANCÉS ou ALEMÁN en réxime de aloxamento en residencia ou acollemento familiar.

Os destinatarios son o alumnado do último curso de EP ou de calquera curso da ESO e do Bacharelato, de centros educativos sostidos con fondos públicos que impartan ensinanzas de réxime xeral, na Comunidade Autónoma Galega.

Os requisitos que se han de cumprir son:
-Non ser beneficiario dunha axuda no verán de 2008 ou 2009.
-Nota mínima na área ou materia de lingua estranxeira de 6.
-Ter superadas todas as áreas ou materias no curso 08/09.

O prazo de presentación de solicitudes é ata o 12 de marzo.

*A outra convocatoria é a do MINISTERIO DE EDUCACIÓN, que establece axudas para estudar inglés nun país no que este idioma sexa o oficial.

Os solicitantes han de ter entre 16 e 30 anos e ter bolsa xeral do MEC.

Os requisitos a cumprir son:

-Ter nacido entre o 1 de xaneiro de 1980 e o 31 de decembro de 1992 e ter sido bolseiros do Ministerio de Educación no curso 2008-2009.
-Ter nacido entre o1 de xaneiro e o 31 de decembro de 1993 e ter sido bolseiros do Ministerio de Educación no Bacharelato, ensinanzas profesionais de música e danza, Grao Medio de Formación Profesional, Artes Plásticas e Diseño, Ensinanzas Deportivas e de Idiomas no curso 2009/2010.
O prazo de presentación de solicitudes é ata o 30 de marzo.

Guía DICES de carreiras e estudos superiores 2009-2010

Nesta guía de Carreiras e Estudos Superiores, elaborada por Infoempleo.com, analízanse as Universidades, os centros de formación superior e as diferentes opcións académicas ás que poden acceder os estudantes unha vez rematado o Bacharelato.
Para facilitar a súa consulta, a Guía DICES de Carreiras e Estudos Superiores agrupa ós centros en diferentes categorías, en función da súa oferta académica: graos universitarios, carreiras estranxeiras en España, titulacións privadas, ensinanzas artísticas, ensinanza militar, Formación Profesional, universidades estranxeiras e formación online.
A versión dixital desta guía permite, ademáis, realizar consultas online, acceder directamente á información mediante índices interactivos, realizar buscas a través de palabras clave, enviar copias a outras persoas, engadir notas persoalizadas, contactar directamente cos centros analizados, entrar nas súas páxinas web ou solicitar máis información sobre os mesmos.
Para descargar a guía, preme no seguinte enlace:

http://content.yudu.com/Library/A182kw/DICES200910GuadeCarr/resources/index.htm?referrerUrl=http%3A%2F%2Fwww.infoempleo.com%2Fpublicaciones%2Fintermedia.asp%3Furl%3Dhttp%3A%2F%2Fcontent.yudu.com%2FLibrary%2FA182kw%2FDICES200910GuadeCarr

Ensinanzas de adultos

Destinatarios:
Persoas maiores de 18 anos, en particular, desempregados ou mozos/as que abandonaron o sistema educativo sen unha titulación básica e que desexan adquirila.

Rede de centros:
* Centros EPA: son centros destinados exclusivamente á ensinanza de persoas adultas.
* Centros ordinarios con ensinanzas de adultos: Son centros de ensinanza secundaria que están autorizados para impartir determinadas ensinanzas de adultos.

Modalidades de estudo:
-Modalidade presencial.
-Modalidade semipresencial ou modalidade a distancia (só se ofertan nalgúns centros, normalmente, nos centros EPA).

Tipos de ensinanzas de adultos:
-ENSINANZAS BÁSICAS INICIAIS (nivel I e II): están dirixidas a persoas adultas que non dominan as técnicas instrumentais elementais.
-EDUCACIÓN SECUNDARIA PARA PERSOAS ADULTAS (nivel III): conduce á obtención do Graduado en Educación Secundaria. O título de Graduado Escolar permite a matriculación neste nivel de ensinanzas.
-BACHARELATO PARA PERSOAS ADULTAS: conduce a obtención do título de Bacharelato.
-CICLOS FORMATIVOS PARA PERSOAS ADULTAS: permite a obtención do título de técnico ou técnico superior cunha oferta modular flexible (cúrsanse os módulos dos que consta un curso en varios anos académicos).
-PROBAS LIBRES PARA A OBTENCIÓN DO TÍTULO DE GRADUADO EN EDUCACIÓN SECUNDARIA: destinadas a aquelas persoas que non teñen posibilidade de asistir a clase ou que lle quedan poucas materias da ESO para acadar o título. As probas libres celébranse en xuño e en setembro.
-ENSINANZAS DE IDIOMAS: cúrsanse nas Escolas Oficiais de Idiomas ou nos centros ordinarios autorizados.
-AULAS MENTOR: trátase de cursos de temática variada que permiten actualizar o perfil profesional, potenciar o acceso ó emprego e aumentar a formación básica. Son ensinanzas non regradas flexibles e a distancia, con titoría telemática a través de internet.

Máis información en:
http://www.edu.xunta.es/ea/

Ensinanzas de idiomas

As ensinanzas de idiomas son ensinanzas especiais que se estruturan en 6 niveis: BÁSICO 1 e 2, INTERMEDIO 1 e 2 e AVANZADO 1 e 2.
Despois de superar os niveis básico 1 e 2 outórgase o Certificado de Nivel Básico, que equivale al nivel A2 europeo.
Do mesmo xeito, ó rematar os niveis Intermedio 1 e 2, obtense o Certificado de Nivel Intermedio (B1 na regulación europea) e ó rematar os niveis Avanzado 1 e 2, o Certificado de Nivel Avanzado (B2 na regulación europea).

Co título de Bacharelato, pódese solicitar o Certificado de Nivel Básico da primeira lingua estranxeira estudiada (nivel A2 europeo).

Os exames da Universidade de Cambridge tamén teñen unha equivalencia neste sistema. Así, o Preliminary English Test (PET) equivale ó Nivel Intermedio (nivel B1 europeo) e o First Certificate, equivale ó Nivel Avanzado 2 (nivel B2 europeo).

Se queres mellorar os coñecementos ou iniciar a aprendizaxe dunha lingua, podes matricularte nunha Escola Oficial de Idiomas, que adoitan estar situadas nas cidades e grandes vilas.
Consulta os centros e a súa oferta de idiomas no seguinte link:

http://www.edu.xunta.es/ea/

Interesante programa de orientación vocacional

Se estás en 3º ou 4º de ESO, posiblemente, empeces a ter dúbidas sobre que materias optativas escoller ou que vías académicas seguir.

Para poder facer unha adecuada elección, cumpre ter un bo coñecemento dun mesmo (posibilidades académicas, intereses, capacidades, características da personalidade...) así como, estar ó tanto das posibidades que ofrece o sistema educativo.

Se queres pórte a proba e saber cales son os teus puntos fortes e as túas debilidades, podes facer os cuestionarios que che ofrecen na seguinte dirección:

http://www.meoriento.com/

¡Que teñas sorte na busca!

Onde se atopan as maiores oportunidades de emprego?

Emprégase o termo de NOVOS XACEMENTOS DE EMPREGO ou tamén o de FILÓNS DE OCUPACIÓN, para denominar a aquelas actividades laborais que satisfacen as novas necesidades sociais.

Estas actividades son moi heteroxéneas, pero teñen en común as seguintes características:
-Cubren necesidades sociais insatisfeitas.
-Xurden en mercados incompletos.
-Teñen un alto potencial na xeración de postos de traballo.

Actualmente, estes xacementos de emprego atópanse nas seguintes áreas:
*SERVIZOS DA VIDA COTIDIANA: servizos a domicilio, atención á infancia...
*SERVIZOS RELACIONADOS COAS NOVAS TECNOLOXÍAS DA INFORMACIÓN E DA COMUNICACIÓN: tarefas de apoio ó individuo, a empresa ou a Administración por medio da creación de aplicacións telemáticas, de software especializado...
*SERVIZOS DE MELLORA DA CALIDADE DE VIDA: ocupacións relacionadas cos servizos sociais (atención ós dependentes, axuda a excluídos...) ou coa seguridade ciudadana.
*SERVIZOS DE OCIO: ocupacións relativas ó turismo, ó sector audiovisual, á valorización do patrimonio cultural ou ó deporte.
*SERVIZOS MEDIOAMBIENTAIS: tarefas de xestión de residuos, protección e mantemento de medios naturais, control da contaminación ou xestión da auga.

Datas da selectividade 2010

Xa se coñecen as datas de realización das probas de acceso á Universidade.

XUÑO: 16, 17 e 18.
SETEMBRO: 15, 16 e 17.

Probas de acceso a ciclos formativos de grao superior 2010

A superación das probas de acceso a ciclos formativos de grao SUPERIOR permite cursar estes estudos, a aqueles alum@s que non cumpran os requisitos académicos esixidos (dispor do título de bacharelato) e se atope nalgunha das seguintes situacións:
-teñan cumprido os 19 anos ou os cumpra no ano natural de celebración da proba.

-cumprir ou ter cumpridos 18 anos no ano natural da proba e dispor dun título de técnico que pertenza a algunha familia profesional incluida na opción á que se opta.

Para poder participar en ditas probas, cumpre facer unha solicitude POR DUPLICADO, na secretaría de calquera IES ou CIFP onde se impartan ciclos de Formación Profesional (por exemplo, o noso IES). O modelo a empregar pódese descargar no seguinte link:

http://www.xunta.es/formularios/generarPlantillaPDF?conselleria=ED&procedimiento=312D&version=0.0&idioma=gl_ES

O PRAZO de presentación de solicitudes será do 18 ó 29 de xaneiro de 2010.

A DATA DE REALIZACIÓN DA PROBA será o 27 de marzo de 2010, no horario seguinte:
9:00 h, presentación

Parte común da proba:
10:00-13:30 h (matemáticas, lingua galega e lingua castelá)

Parte específica da proba:
16:00-18:30 h (materias específicas da opción vinculada ó ciclo formativo ó que se desexe acceder).

As persoas inscritas deberán presentar para a realización das probas DNI e copia da folla de solicitude de inscrición selada.

As CUALIFICACIÓNS PROVISORIAS das probas publicaranse o día 21 de abril.
Poderanse realizar RECLAMACIÓNS á estas cualificacións os días 22, 23 e 26 de abril.
As CUALIFICACIÓNS DEFINITIVAS das probas publicaranse o día 10 de maio.

Poderanse recoller as CERTIFICACIÓNS das cualificacións obtidas no centro onde se realizaron as probas, a partir do día seguinte á publicación das cualificacións definitivas (isto é, a partir do día 11 de maio).
Se se superaron as probas, a certificación permite a matriculación nun ciclo formativo de grao superior de Galicia, nas condicións que se especifiquen para cada un deles.
Se non se superaron a certificación permite manter as cualificacións obtidas nas partes superadas para convocatorias posteriores, por un máximo de 2 anos. Así mesmo, permite conservar as exencións concedidas para algunha parte das probas, de forma indefinida.

Para obter máis información, podes acceder á convocatoria completa no seguinte enlace:

http://www.edu.xunta.es/fp/files/probas10/probasAcceso_resolucion.pdf

Para ver exames de convocatorias anteriores así como, contidos e criterios de avaliación, pincha en:

http://www.edu.xunta.es/fp/probasCS.htm

Probas de acceso a ciclos formativos de GRAO MEDIO 2010

A superación das probas de acceso a ciclos formativos de grao medio permite cursar estes estudos, a aqueles alum@s que:

-non cumpran os requisitos académicos esixidos (dispor do título de graduado en ESO) e,

-teñan cumprido os 17 anos ou os cumpra no ano natural de celebración da proba.

Para poder participar en ditas probas, cumpre facer unha solicitude POR DUPLICADO, na secretaría de calquera IES ou CIFP onde se impartan ciclos de Formación Profesional (por exemplo, o noso IES). O modelo a empregar pódese descargar no seguinte link:

http://www.xunta.es/formularios/generarPlantillaPDF?conselleria=ED&procedimiento=312C&version=0.0&idioma=gl_ES

O PRAZO de presentación de solicitudes será do 1 ó 12 de marzo.

O alumnado que estea a cursar un PCPI, poderá solicitar a exención da parte científico-técnica no momento de se inscribir á proba, empregando o seguinte modelo:

http://www.edu.xunta.es/fp/files/probas09/Documentos_probas_09/Certificado_estar_a_cursar_PCPI.doc

A DATA de realización da proba será o 4 de xuño de 2010, no horario seguinte:

9:00 h, presentación

10:00-11:30 h, parte matemática

12:00-14:00 h, parte sociolingüística

16:30-18:30 h, parte científico-matemática

As persoas inscritas deberán presentar para a realización das probas DNI e copia da folla de solicitude de inscrición. As persoas que superasen un PCPI entregarán, ademais do anterior, o certificado que acredite esta situación.

Cumpre ter en conta que, desde a convocatoria do ano 2009, as respostas erróneas no tipo test descontan puntos.

As CUALIFICACIÓNS PROVISORIAS das probas publicaranse o día 17 de xuño.

Poderanse realizar RECLAMACIÓNS á estas cualificacións os días 18, 21 e 22 de xuño.

As CUALIFICACIÓNS DEFINITIVAS das probas publicaranse o día 28 de xuño.

Poderanse recoller as CERTIFICACIÓNS das cualificacións obtidas no centro onde se realizaron as probas, a partir do día seguinte á publicación das cualificacións definitivas (isto é, a partir do día 18 de xuño).

Se se superaron as probas, a certificación permite a matriculación en calquera ciclo formativo de grao medio de Galicia.

Se non se superaron a certificación permite manter as cualificacións nas partes superadas en convocatorias posteriores, por un máximo de 2 anos. Así mesmo, permite conservar as exencións concedidas para algunha parte das probas, de forma indefinida.

Para acceder o texto completo da convocatoria pincha en:

http://www.edu.xunta.es/fp/files/probas10/probasAcceso_resolucion.pdf

Tamén podes consultar exames doutras convocatorias e materiais didácticos en:

http://www.edu.xunta.es/fp/probasCM.htm

Profesións relacionadas coa Aviación Civil

Dentro deste sector profesional, as actividades máis destacadas serían:

TRIPULANTE DE CABINA DE PASAXEIROS (TCP) ou AUXILIAR DE VOO
Descripción:
Este profesional presta os seus servicios nunha compañía aérea, onde ten como misión fundamental vixiar a seguridade dos pasaxeiros e efectuar unha evacuación segura e rápida en situacións de emerxencia. Tamén se ocupa da atención das persoas a bordo, facilitándolles os servizos necesarios durante o voo e procurando en todo momento a súa maior comodidade.
Requisitos:
*Ter 18 anos cumpridos.
*Nivel de estudos equivalente a 4º de ESO.
*Ter bo coñecemento do idioma inglés (sendo moi valorado o coñecemento doutros idiomas).
*Superar un recoñecento médico.
*Superar unhas probas físicas (inclúe saber nadar).
*Altura mínima (requisito variable segundo a compañía aérea da que se trate).
Preparación necesaria:
Estas ensinanzas non teñen validez académica polo que os estudos só serven para o exercicio da profesión e non para acreditar un determinado nivel de estudos, como acontece, por exemplo, coa ESO ou o Bacharelato. Por este motivo, non existen centros oficiais que impartan estas ensinanzas pero si centros privados recoñecidos pola Dirección General de Aviación Civil do Ministerio de Fomento.
Os cursos constan dunha parte teórica (normativa, coñecementos básicos de aviación...) e outra práctica (salvamento náutico, servizo a bordo...).

Centros de estudos en Galicia:
AIR HOSTESS
Centro de Vigo
Avda. de las Camelias, 111, entlo., 36211 Vigo
Tlf.: 986411114
http://www.air-hostess.net/

TCP GALICIA
Policarpo Sanz, 1-4º, oficina 403, Vigo
Tlf: 986228029
http://www.tcpgalicia.com/

PILOTO DE TRANSPORTE DE LÍNEAS AÉREAS
Descripción:
Estes profesionais atópanse capacitados para pilotar aeronaves, probar avións prototipo, asesorar nos deseños aeronáuticos... Así mesmo tamén son os responsables do voo de avións comerciais, xefes da tripulación auxiliar e encargados de garantir a seguridade dos pasaxeiros e as mercancías que transportan...
Requisitos:
*Ter 18 años cumpridos
*Bacharelato, COU ou equivalente
*Superar o recoñecemento médico denominado CIMA clase 1
*Superar unhas probas de carácter psicotécnico.
*Realizar unha entrevista persoal na que se avalían o nivel cultural e o dominio do inglés
Estudos conducentes ó exercicio da profesión:
O título de transporte de línea aérea está declarado como equivalente ó título de Diplomado Universitario.
En Galicia, sen embargo, existe un convenio entre a Universidade de A Coruña e a Escuela de Pilotos Aeroflota del Noroeste para ofrecer un título propio universitario de Graduado en Aviación Comercial (Un título propio non está homologado pola Administración polo que só ten efectos profesionais e non académicos).
A Carreira de Piloto Profesional consta de dúas partes, unha teórica (meteoroloxía, lexislación aérea, navegación...) e outra práctica (instrucción en voo e instrucción en simulador).
Direccións de interese:
http://www.udc.es/aviacion
Escuela de Pilotos Aerolíneas AFN
Aeroporto de A Coruña, Alvedro, 15180 Culleredo, A Coruña
http://escueladepilotosafn.com/

CONTROLADOR AÉREO
Descripción:
Estes profesionais teñen como misión as operacións relativas á ordenación, vixiancia e seguridade do tráfico aéreo. Os seus postos de traballo distribúense entre Centros de Control e Torres de Control nos aeroportos civís e bases aéreas abertas ó tráfico civil
Requisitos:
-Diplomatura universitaria ou equivalente.
-Nivel de inglés alto.
Probas selectivas:
Os exames selectivos para o acceso ós cursos de formación como controlador aéreo, son convocados por AENA (Aeropuertos Españoles de Navegación Aérea). As probas selectivas constan dun exercicio de inglés, un test psicotécnico, unha entrevista personal e un recoñecemento médico. As persoas que superen esta selección acceden a un curso de formación impartido e becado por AENA, cunha duración media de 45 semanas. Existen algúns centros privados especializados na preparación das probas.
Direccións de interese:
http://www.aena.es/
Información telefónica:
913210101/913210107